سؤال للأهل الخبرة

من طرف ملطف جوو 2007-08-12, 7:40 am

أقول سؤال عندي الكرسيدا فيها الدزك والصحن خربان أبغا أهل المعرفة يعلموني عن الاسعار سمعت أنها فوق الاربعمئة وأبا أسئل إي ورشة كويسة مركز حاتم ولا عثمان ودمتم سالمين

من طرف الوجعااااااان 2007-08-12, 5:47 pm

وصلت خير اخوي ملطف جو ابشر بعزك

يا طول العمر والبقياء الدزك والصحن حقت الكرسيدا سمعت انها انقرضت

بس مو مشكله كل شي يجي بالتوليف

وافضل ورشه يا حبيبي في عند التشليح ويستلمون السياره كامل

يعني ما يجتاج تعب نفسك تاخذها منهم مره ثانيه

وجعان

من طرف سيد العشاق 2007-08-12, 6:49 pm

ايه والله كلام سديد أخوي الوجعان

واذا تبغى شراي اخوي ملطف جو ,,,, ترى انا شراي بس لا تزيد عن خمسمية ريال

واذا ما تبي تبيعها وقفها عند عزبة العيال وخلها هناك عشان لا صكر عليهم الباب من جوا

يركبون على كرسيدتك وينطون عليها للحوش ويفتحون الباب . وخلي المعزب يضيف حسابها على القطه

وتصير كذا ارتحت منها وريحت العيال كمان .

واذا انت بالمره بايعها تصدق فيها لصالح أطفال فلسطين هذا اذا قبلوها منك

أهم شيء لا تقعد تبلش السمكريين فيها لا حاتم ولا عثمان انت سيارتك فيها مرض نفسي يعني ما ينفع لها السمكريين

ويالله بالتوفيق لك ولكرسيدتك ولجمسك الكريم

سيد العشاق

من طرف سمو الاحساس 2007-08-12, 7:03 pm

هلابك اخوي ملطف جوو

اعتقد ان الوجعان وسيد ماقصروا لكن 0000

انا ابعطيك رايي ياخوي

لاتودها التشليح تخسر حق البنزين وبالاخر مايعطونك وجه ويردونك

ولا تتصدق على اطفال فلسطين لانهم ماهم بحاجتها

اشتر ريال بنزين وانا اتبرع بالولاعه واحرررررررررقهاااا

هذا احسن حل يريحك ويريح حاتم وعثمان

من طرف اللورد 2007-08-23, 11:48 am

لا لا يا عيال مايصير كذا ...

بدال التعب هذا كله ...

ورا ما ندق على المتحف اللي بالجنادرية ...

ياخذونه كتذكار ....

ونكون سوينا خير في الجميع ...

ونجيهم لنا يوم ...

بعد خمسين سنة ...

ونقول ...

ياعيالي ....

هذي الكرسيدا اللي كان الدزك والصحن فيها خربان ...

سؤال للأهل الخبرة

سؤال للأهل الخبرة

رد: سؤال للأهل الخبرة

رد: سؤال للأهل الخبرة

رد: سؤال للأهل الخبرة

رد: سؤال للأهل الخبرة